Kryeministri Edi Rama i është përgjigjur sërish kreut të PD-së, Lulzim Basha, ndërsa i thotë se “nuk është koha për politikë”. Në Twitter, Rama shkruan se është “ora për t’i shërbyer popullit me forcën e shembullit njerëzor”.
“Nëse ty s’të duket luftë kjo e njeriut me virusin e panjohur, quaje gjendje e jashtëzakonshme a si të duash! Po vare të paktën atë fyell në mur e kurseja Shqipërisë avazin politik, se s’është koha për politikë kjo, po ora për t’i shërbyer popullit me forcën e shembullit njerëzor!”, shkruan Rama.
