“Covid 19, tërmet që i ul brekët propogandës”/ Mjeku i njohur shpërthen ndaj Ramës: Këto ishin masat që kishe marrë

Mjeku i njohur Petrit Vargu ka reaguar pas konfirmimit të dy rasteve të para me koronavirus në Shqipëri.

Në orët e para të mëngjesit të sotëm, 9 mars, u konfirmua se babë e bir, që ndodhen të izoluar në pavionin e infektivit në QSUT, kanë rezultuar pozitivë pas një udhëtimi që kanë pasur në Firence të Italisë.

Ata kanë hyrë në Shqipëri nga pika kufitare e Hani të Hotit.

Përmes një postimi në rrjet, mjeku Vargu shkruan se Kovid 19 nuk është tërmet që mund të bëhet propogandë, përkundrazi është tërmeti që i ul brekët propogandës. Duke iu drejtuar direkt Kryeministrit Edi Rama, Vargu shkruan se duhej të ishin bllokuar hyrje daljet me Italinë.

“Të thamë blloko hyrje-daljet me Italinë, por ti i di të gjitha dhe nuk të dëgjon. Të thamë që ky nuk është sistem karantinë. Por ti i di të gjitha or Zeus. Të thashë që në Han të Hotit nuk ke asnjë doktor dhe asnjë lloj kontrolli.

LEXO EDHE  Gjykata Administrative rrëzon qeverinë, Kopshti Botanik i mbetet Universitetit

Por ti më akuzoje indirekt për panik. Tani do themi të gjithë: ky është sistemi shëndetësor që na ke dhënë? Kjo është shëndetësia falas? Këto janë masat që ke marrë për ndalimin e përhapjes ne Shqipëri? Këto janë masat që ke marrë për trajtimin e kësaj sëmundjeje?

Kovid-19 nuk është tërmet që mund të bësh propagandë, përkundrazi është tërmet që i ul brekët propagandës…”, shkruan Vargu.