Gjatë punës për statistikorin përmbledhës 10-vjecar, me të dhënat për angazhimin e deputetëve në seancat parlamentare; punonjësit e sektorit të redaktim-publikimeve, kanë hequr deputetin Sadri Abazi, nga lista e deputetëve që nuk kanë folur asnjëherë. Ata e kanë hequr nga lista e “gojë-kyçurve”; pasi kanë zbuluar, se Dr. Sadri Abazi ka folur 1 herë në seancë parlamentare dhe 3 herë, në 3 Komisione Parlamentare: të Veprimtarisë Prodhuese; të Arsimit e Shkencës dhe në Komisionin për Integrimin Europian.
Ja kur dhe ku ka folur, e çfarë ka thënë…
1. Ka folur në seancë parlamentare, në fillim të muajit korrik 2010; duke iu drejtuar nga vendi, kryetares Jozefina Topalli, me kërkesën: “Ndizni kondicionerët, se plasëm”.
2. Ka folur në muajin janar 2012, në Komisionin Parlamentar të Veprimtarisë Prodhuese, ku ka thënë: “Zoti kryetar, unë mendoj ta mbyllim mbledhjen”.
3. Ka folur në muajin nëntor 2014, në Komisionin Parlamentar të Arsim-Shkencës, duke i thënë Ministres së Arsimit, Lindita Nikolla: “Nxënësit e fshatrave të Dibrës, duhet të integrohen si ata të qytetit”.
4. Ka folur në muajin prill 2018, në Komisionin Parlamentar për Integrimin Europian; ku ka thënë: “Po nuk u hapën negociatat këtë vit, do hapen vitin tjetër”.
Për këto katër hapje goje në 10 vite, ky deputet është paguar nga taksat publike, 246 milionë lekë paga, shpërblime, dieta, pagesa për prezencë në komisione dhe trajnime të tjera si transport, karbuant, telefon etj. /Pamfleti
