Kryeministri Edi Rama tha se nuk do të aplikohet si masë për parandalimin e përhapjes së Covid 19 mbyllja e kufijve, duke u shprehur se OBSH e kundërshton këtë masë. Në mbledhjen e jashtëzakonshme të Qeverisë, pas shfaqjes së dy rasteve pozitive në Shqipëri me koronavirusi.
Si masë të parë, Qeveria vendosi pezullimin e fluturimeve dhe linjave të trageteve me ato që njihen si zona e kuqe në Itali. Gjithashtu Rama tha se do të pezullohen për dy javë mësimi në sistemin arsimor, si dhe pezullimin e eventeve deri më 3 prill.
Rama ka kërkuar nga qytetarët që kanë vizituar ato që konsiderohen zonat e kuqe në Itali, që të vetë-karantinohen dhe të njoftojnë në numrin e Urgjencës Kombëtare 127 për shenjat që shfaqin.
“Këshilla themelore e OBSH dhe baza e të gjitha praktikave të ndjekura nga shtetet e tjera është: ruajtja e qetësisë, marrja e masave hap pas hapi dhe referimi sa më strikt në protokollin zyrtar të organizatës botërore të shëndetësisë, si edhe në burimet zyrtare të informimit shëndetësor”- theksoi Rama.
Sipas tij, sistemi ynë shëndetësor dhe të gjitha strukturat e përfshira në planin e masave janë në gatishmëri për të përballur situatën hap pas hapi.
Kryeministri ka theksuar se receta me e gabuar ne raste te tilla eshte ajo qe buron nga paniku, nderkohe qe ilaci me efektiv eshte qtesia dhe zbatimi i gjithe rregullave te thhjeshta por shume efikase sipas edhe njoftimeve te vazhdueshme te OBSH.
