Turqia tërhiqet nga vendimi i saj për të hapur portat për emigrantët që të kalonin në Greqi përmes detit Egje. Ky është urdhri i Presidentit Recep Tayip Erdogan i cili vetëm një javë më parë lejoi kalimin e tyre.
Autoritetet kufitare turke shprehen se është shumë i rrezikshëm kalimi i tyre nga deti Egje. Ndërkohë vendimi i mëparshëm i Presidentit të vendit u kritikua nga Bashkimi Europian, që e akuzoi atë për përdorimin e refugjatëve për arsye politike.
Ndërkohë përplasjet në kufi mes emigrantëve dhe forcave kufitare greke vazhdon. Kjo sepse Turqia nuk ka ndryshuar qendrim për kalimin e tyre në rrugë tokësore.
Gjatë përplasjes së ditës së sotme, autoritetet greke sulmuan me gaz lotsjellës ndërkohë që emigrantët i janë kthyer me gurë. Por Greqia ka akuzuar policinë turke se ata kanë hedhur qëllimisht gaz lotsjellës drejt efektivëve grek.
