Një 50-vjeçar ka qëlluar gruan e tij me dërrasë në kokë dhe më pas e ka hedhur nga ballkoni i katit të dytë.
Ngjarja e rëndë ka ndodhur mbrëmjen e djeshme në Durrës.
Më pas, A.H, 50 vjeç, ka tentuar të kryejë vetëvrasje.
E gjithë ngjarja tronditëse ka ndodhur të sytë e dy vajzave të çiftit.
Durrës/Informacion paraprak
Më datë 06.03.2020, rreth orës 22:15, në lagjen nr.13, Durrës, shtetasi A.H.,50 vjeç, ka ushtruar dhunë ndaj bashkëshortes së tij, shtetases E.H.,42 vjeçe, e cila ndodhet në spital nën kujdesin e mjekëve.
Më pas shtetasi A.H., ka tentuar të vetëvaret, por është shpëtuar në kohë nga forcat e policisë të cilët më pas e kanë shoqëruar në ambjentet e Komisariatit të Policisë Durrës për veprime të mëtejshme.
