Zyrtare/ Shqipëria e paprekur nga COVID 19

Zyrtarisht Shqipëria nuk ka të regjistruar asnjë rast me koronavirus. Kjo u bë e ditur nga Ministria e Shëndetësisë, sipas të cilës edhe tre rastet e analizuara në 24 orët e fundit kanë rezultuar negative.

Në total janë analizuar 53 raste, ndërsa Shqipëria vijon të mbetet jashtë hartës së vendeve të prekura nga virusi COVID 19.

Eugena Tomini, përfaqësuesja e Task-Force për epidemë e koronavirusit, tha se nga pikat kufitare kanë hyrë mbi 17 mijë udhëtarë në 24 orët e fundit dhe të gjitha ata janë kontrolluar. Tomini tha se për personat që iu është rekomanduar deri më sot vetëkarantinimi ekziston një hartë gjeografike se ku banojnë dhe po monitorohen nga Qendra e Urgjencës Kombëtare.

LEXO EDHE  Pas vendimit për Skenderbeun, UEFA: Luftë ndeshjeve të fiksuara, u hodhën poshtë pretendimet

Rekomandohet që të gjithë banorët që kanë ardhur nga zonat e prekura nga koronavirusi apo kanë dyshime se kanë pasur kontakte me të infektuarit me COVID-19, duhet të vetëkarantinohen.