Gylenisti i arrestuar në Rinas frikë nga dëbimi në Turqi, ja çfarë kërkon/Letra

Turku Selami Simsek, i dënuar me 18 muaj burg për akuzën “Falsifikim i letërnjoftimeve, i pasaportave ose i vizave”, i njohur edhe si mbështetës i Fetullah Gylen i frikësohet ndonjë dëbimi të mundshëm në vendin e origjinës.

Përmes një letre, avokati i tij i kërkon Drejtorisë së Kufirit dhe Migracionit të mos e dëbojnë në Turqi, ku i rrezikohet jeta, derisa shteti shqiptar t’i kthejë përgjigje kërkesës së tij për azil.

LEXO EDHE  Shkëputja e ashensorit në Astir/ Gjykata cakton masën për teknikun

Simsek u arrestua në aeroportin e Rinasit së bashku me mësuesin turk, Harun Çelik, pasi do të udhëtonin drejt Torontos, me vizë kanadaze të falsifikuar. Mësuesi “gylenist”, Harun Çelik, u dëbua me forcë nga autoritetet shqiptare.