Drejtuesja e Shërbimit të Inteligjencës Epidemiologjike, Eugena Tomini, tha sot se në Shqipëri, deri mesditën e 3 marsit, nuk ka asnjë rast të identifikuar me koronavirus.
Ajo sqaroi se edhe ndaj rasteve të dyshuara, analizat kanë treguar se s’kanë pasur lidhje me koronavirusin Covid 19.
Tomini tha se të testuarit janë persona që kanë pasur udhëtime në vendet me risk, si dhe që kanë shfaqur probleme respiratore.
“Deri më tani, në total janë kontrolluar 17.830 udhëtarë në pikat kufitare, ku mes tyre vëmendja më e veçantë ka qenë ndaj atyre të kthyer nga Italia, apo shtete të tjera të prekura, të cilëve u sugjerohet të qëndrojnë në vetëkarantinim për 14 ditë.
Nga këta, janë 39 udhëtarë që u është sugjeruar vetëkarantinimi, dhe nëse pas telefonatave edhe me numrin e gjelbër 127, gjendja shëndetësore vështirësohet, rastet shkojnë tek Shërbimi Infektiv”, tha Tomini.