Dries Mertens do të vazhdojë të jetë futbollist i Napolit edhe në 2 vitet e ardhshme.
Shënuesi më i mirë i të gjithë historisë së klubit të kaltër ka arritur akordin me presidentin Aurelio De Laurentiis për rinovimin e kontratës deri në vitin 2022, ndërsa kontrata aktuale e 32 vjeçarit skadonte në verën e këtij viti.
Belgu do të përfitojë 4,5 milionë eurosh në sezon, plus 1 milionë eurosh në formë bonusesh dhe një çeku të bardhë prej 2 milionë eurosh në momentin e firmës.
Ndërkohë në momentin që Mertens do të varë këpucët në gozhdë, Napoli do t’i japë mundësinë të jetë pjesë e klubit si drejtues, ose si supervizor i sektorit të skuadrave të të rinjve.