Mbrëmjen e djeshme, dy të rinjtë Anxhelo Avdia dhe Dorian Shkoza u ekzekutuan në një atentat mafioz në lagjen nr.14, në Shkozet, Durrës. Ata u qëlluan nga një makinë në ecje, e cila u gjet e djegur në zonën e njohur si Bishti i Zhurit në Rrogozhinë
Një ditë pas vrasjes, familjarët e njërit prej viktimave kanë folur për mediat.
Familjarët e Anxhelo Avdias thanë se 24-vjeçari ishte kthyer nga Anglia 10 ditë më parë dhe bënë me dije se nuk ishin në dijeni të ndonjë konflikti apo hasmërie.
“Prej 10 ditësh ishte kthyer nga Anglia. Ne nuk dimë të kishte konflikte apo hasmëri. Kanë një vëlla dhe një motër, janë rritur pa baba. Motra me nënën jetonin vetëm, ndërsa vëllai jetonte në Gjermani. Familja ishte në mjerim të plotë”, -thanë familjarët e viktimës.
Të dy viktimat rezultojnë me precedentë penalë për vjedhje dhe njihen si konsumatorë të lëndëve narkotike.
