Kryebashkiaku i Tiranës, Erion Veliaj, ka postuar në rrjetet sociale një foto të Institutit të Artit Bashkëkohor në Boston, duke e paraqitur si projektin për Kampusit të ri Universitar.
Veliaj ka shkruar se nis puna për Kampusin e ri Universitar, pavarësisht se nuk ka asgjë publike për projektin, arkitektët dhe tenderat.
Por duket se postimi i tij është një “fake” nga ato që përmend shpesh Kryeministri, kur botohen informacione që në këndvështrimin e tij s’janë të vërteta.
“Shikoni si mashtron dhe tallet me qytetarët e Tiranës Lal Plehu! Turp o faqezi! Qytetarët nuk e kursejnë në komente,” shkruan ish- Kryeministri Sali Berisha, në reagimin e tij.
