Marina Fara është vajza e këngëtares së njohur korçare Eli Farës. Emri i juristes në profesion, që në media njihet më shumë si vajza seksi e këngëtares dhe modele “Instagram”-i, rezulton në listën e 53 personave të implikuar në aksionin “Mezhgorani”, që çoi në ndalimin e 28 personave, shumë prej të cilëve të dyshuar për trafik dhe shpërndarje të lëndëve narkotike.
Marina akuzohet nga prokuroria se ka ndihmuar dy djemtë, Elisjon dhe Emir Breza të arratisen kur po ndiqeshin nga policia për trafik droge. Në dosjen hetimore të siguruar nga “Dosja.al”, dy djemtë më 24 dhjetor 2019 po kalonin drogë në Lezhë. Në momentin që Elisjon dhe Emir Brezës, bashkë me një person tjetër të njohur si ‘Alban’, iu është bërë me shenjë të ndalojnë, kanë braktisur makinën me hashash në një parking në qytet, raporton “Dosja.al”.
Marina Fara, tashmë ka mbi supe masën e sigurimit “Detyrim paraqitje”, ndërkohë që policia ka kontrolluar banesën e saj, por nuk ka gjetur asgjë implikuese. Ajo akuzohet se ka ndihmuar Elisjon dhe Emir Brezën të arratisen, pasi lanë makinën tek parkingu.
Sipas të dhënave nga hetimi, pasi kanë udhëtuar në këmbë, ata kanë telefonuar Marinën, së bashku me mikeshën e saj që ti shkojnë ti marrin Fara, së bashku me mikeshën e saj kanë shkuar të marrin dy djemtë.
