1,2,3 Mars…./ Manjani: Nuk sundon ligji por bosi, sundimi Kushtetues më serioz se fati politik i Metës

Ish-Ministri i Drejtësisë, Ylli Manjani, përmes një postimi në rrjet, se debati mbi vendosjen e sundimit Kushtetues është shumë serioz.

Manjani shkruan se sundimi Kushtetues është shumë më serioz se fati politik i Ilir Metës apo Edi Ramës.

“Kur shteti nuk prodhon më norma, por masa të jashtëzakonshme nuk kemi të bëjmë më me Kushtetutë. Të paktën jo me Kushtetutë demokratike.

Sa më takon protestoj thuajse çdo ditë se këtu nuk sundon ligji por Bosi. Grricëve u kujtoj se kam protestuar edhe nga brenda pushtetit. Me ulërima madje.

Kritikoj dhe propozoj ato që di e ashtu si i di, por ende nuk po shoh një program serioz se si do ta vendosim sundimin e ligjit në vend…😔😔😔

Si do ta vendosim Kushtetutën në krye të vendit dhe të mos guxojë njeri ta dhunojë?!

Këtë gjë kam kërkuar e kërkoj. E di se si bëhet, por vetëm nuk arrihet asgjë…

Dhe as fillon e aq më pak mbaron me 2 Mars”, shkruan Manjani në rrjet.

Postimi nga Ylli Manjani

1,2,3 Mars….
==========
Debati mbi vendosjen e sundimit Kushtetues është shumë serioz!

Është shumë, shumë më serioz dhe i rëndësishëm sesa fati politik i Ilir Metës, Edi Ramës aq më pak i Etilda Gjonit dhe të tjerëve që debatojnë në distancë.

Është shumë më i gjatë sesa data 2 mars dhe rithemelimi i Gjykatës Kushtetuese dhe asaj të Lartë.

Kushtetuta fillon të sundojë jo kur zgjidhjen konfliktet politike ndërmjet institucioneve, por kur respektohet liria dhe të drejtat e çdo njeriu. Kur respektohet prona, privatësia, procesi i rregullt ligjor e jo politik. Kur populli zgjedh, jo thjesht voton.

LEXO EDHE  Koronavirusi/ Shkeli karantinën, dënohet me 3 muaj burg futbollisti serb

Këtu e shoh fillimin e sundimit të Kushtetutës, me thënë të drejtën.

Arrestimet pa prova; sulmi ndaj pronës pa asnjë copë letër; dhunimi i familjeve me gaz lotsjellës dhe dhunë të çdo forme; burgosje e gjobitje pa sens e hesap; rrenat e qeverisë që quhen transparencë ndërsa kritika ndaj saj quhet shpifje; gjyqet që zgjaten pa fund nga gjykatës të trembur nga qeveria; trajtimi i njërit si i nënës e tjetrin si të njerkës; varfërimi i njerëzve dhe shpopullimi i territorit, NUK KANË ASNJË LIDHJE ME KUSHTETUTËN!

Asnjë!

Kur shteti nuk prodhon më norma, por masa të jashtëzakonshme nuk kemi të bëjmë më me Kushtetutë. Të paktën jo me Kushtetutë demokratike.

Sa më takon protestoj thuajse çdo ditë se këtu nuk sundon ligji por Bosi. Grricëve u kujtoj se kam protestuar edhe nga brenda pushtetit. Me ulërima madje.

Kritikoj dhe propozoj ato që di e ashtu si i di, por ende nuk po shoh një program serioz se si do ta vendosim sundimin e ligjit në vend…😔😔😔

Si do ta vendosim Kushtetutën në krye të vendit dhe të mos guxojë njeri ta dhunojë?!

Këtë gjë kam kërkuar e kërkoj. E di se si bëhet, por vetëm nuk arrihet asgjë…

Dhe as fillon e aq më pak mbaron me 2 Mars.

Sidoqoftë, uroj që të jemi shumë ata që protestojmë, qoftë dhe atë ditë! Jo për revolucion, por për normalitet. Dhe jo për normalitetin e pushtetit, por për atë të shtetit.

Le të shpresojmë që data 3 të na gjejë më shumë sesa sot në një mendje.