Një moment i tensionuar u regjistrua gjatë seancës së sotme plenare, në Kuvendin e Kosovës, ku deputetja, Ganimete Musliu, ndërhyri në mënyrë protestuese gjatë fjalës së kryeministrit Albin Kurti, duke i hequr mikrofonin.
Musliu kritikoi Kurtin për performancën e qeverisë gjatë katër viteve të fundit, duke i thënë se nuk kishte realizuar asnjë projekt gjatë mandatit të tij.
Ajo kërkoi që kryeministri të fliste për çështjen e naftës dhe të thërriste kabinetin qeveritar për të dhënë përgjigje për qytetarët.
Kreu i Kuvendit, Glauk Konjufca, ndërhyri për të kujtuar deputeten se ka diskrecionin të vendos, por Musliu vazhdoi insistimin e saj.
“Kthehu në temë e mos na shit përralla. Kthehu në temë, thirre kabinetit qeveritar këtu, edhe ti i nderuar mbaje rendin. Mbaje rendin. Kryeministër, kthehu në temë. Nëse nuk kthehesh me folë për naftë, nuk do të flasësh”, ka deklaruar Musliu.
