Coronavirusi nuk fal, infektohet futbollisti në Itali

Një lojtar i Pianeses që militon në Serinë C, është testuar për mbartjen e Coronavirusit dhe për pasojë testet kanë rezultuar pozitive.

Emri lojtarit nuk është bërë i ditur ndërsa “La Gazzetta dello Sport”, zbulon se lojtari kishte shfaqur simptoma të gripit të shtunën e kaluar dhe nuk kishte hyrë në fushë si një masë paraprake, por kishte ngrënë drekë me të gjithë shokët e skuadrës.

Mendohet se infektimi i lojtarit mund të ketë ndodhur gjatë një udhëtimi të tij në rajonin në rajonin Emilia-Romagna në italinë Veriore për të vizituar prindërit. Për të mbërritur atje ai kishte ndërruar disa trena.

LEXO EDHE  “The Sun” publikon formacionin më të mirë të Guardiolës

Siç raporton më tej gazeta, pas disa ditëve qëndrimi në shtëpi duke ndjekur këshillat e mjekut, virusi ka kaluar brenda pak ditësh dhe aktualisht është plotësisht i shëruar.

Si masë paraprake, ekipi i Pianeses ka vendosur të anulojë seancat stërvitore dhe të presë udhëzimet nga Instituti i Shëndetit në Itali.