U17/ Tirana poker ndaj Partizanit në finale, bardheblutë ngrenë Kupën (Video)

Tirana ka triumfuar me poker në derbin ndaj Partizanit, në finalen e Kupës së Shqipërisë për grupmoshën U-17. Ekipi i drejtuar nga Migen Memelli ka fituar me shifrat 4-0, ku heronj të bardhebluve ishin Meçuli dhe Birçaj me nga dy gola.

Fillimisht, Tirana gjeti avantazhin në minutën e 10-të me anë të Meçulit, i cili u gjend në momentin e duhur në kohën e duhur, duke i dhënë avantazhin të tijve. Goli i dytë për Tiranën erdhi në pjesën e dytë, ku autor ishte përsëri Meçuli, i cili goditi saktë me kokë.

LEXO EDHE  Futbolli shqiptar në zi, humb jetën talenti i Skënderbeut/ Emri

Në minutën e 65-të erdhi edhe goli i tretë, që u shënua nga Birçaj pas një gafë të rëndë të portierit të kuq. Goditja përfundimtare për Partizanin erdhi në fund, ku autor edhe një herë ishte Birçaj, i cili me kokë shënoi golin e katërt të sfidës. /telesport