Robert Lewandowski po përjeton sezonin më të mirë në karrierën e tij. Sulmuesi polak deri në këtë fazë të sezonit ka arritur të shënojë 39 gola në 33 ndeshje të luajtura.
25 gola janë shënuar në Bundesligën, tre në Kupën e Gjermanisë ndërsa 11 gola në Ligën e Kampioneve.
Pas golit të shënuar për Bayern Munichun në fitoren 3-0 ndaj Chelseas në “Stamford Bridge”, sulmuesi polak arrin në shifrën e 11 golave në 7 ndeshje të Ligës së Kampionëve, duke vendosur rekordin e tij më të mirë në një sezon të vetëm.
Lewandowski gjithashtu barazoi rekordin e Ronaldos me 9 gola të shënuar në transfertë në garën elitare europiane, rekord i vendosur në sezonin 2013-14.
Kujtojmë që polaku kryeson listën e golashënuesve në Ligën e Kampioneve me 11 gola ndërsa ndiqet nga Erling Haaland me 10.
