Inter-Ludogorets/ Të pranishëm në stadium vetëm kameramanët, nuk lejohen as gazetarët

Ditën e nesërme luhet ndeshja e kthimit mes Interin dhe Ludogorets, ndeshje e vlefshme për fazën e 1/16-ve të Europa League.

Prej ditësh për shkak të situatës nga Koronavirusi u njoftua se ndeshja do të luhej me dyer të mbyllura, por për të siguruar gjithçka janë marrë edhe disa masa shtesë.

LEXO EDHE  Futbollisti i Juventusit përmend emrin e Januzaj-t si shembullin që ka ndjekur

“The Milan Daily” raporton se as gazetarët nuk do të lejohen brenda në stadium dhe si rrjedhojë konferencat për shtyp para dhe pas ndeshjes nuk do të mbahen. Të vetmit që do të jenë të pranishëm do të jenë kameramanët dhe kjo për qëllimin e transmetimit të ndeshjes.