Tre persona me origjinë shqiptare janë arrestuar me urdhër të gjykatës në Castrovillari, të akuzuar për krime që lidhen me plaçkitjen dhe zhvatjen. Hetimet u inicuan pas dy ankesave të paraqitura në tetor 2019.
Aktiviteti hetimor i karabinierëve lindi nga agresioni ndaj një personi mbrëmjen e 19 tetorit, i cili po udhëtonte me një veturë në rrugën nacionale nga Terranova da Sibari drejt Spezzano Albanese dhe u detyrua të ndalet për shkak të manovrës së një makine tjetër me ngjyrë të errët që i preu rrugën.
Të paktën katër persona të panjohur për viktimën dolën nga makina, duke e detyruar të dilte nga automjeti i tij, më pas e goditën në kokë me qytën e armës si dhe e kërcënuan se do ta qëllonin me plumba.
Në të njëjtën mbrëmje, të njëjtët persona sulmuan dhe rrahën një viktimë të dytë brenda shtëpisë së tyre në Spezzano Albanese, i cili raportoi ngjarjen vetëm më vonë.
Hetimet e karabinierëve kanë bërë të mundur zbulimin e të dy ngjarjeve falë një kontrolli të saktë të vendeve ku kanë ndodhur sulmet, duke identifikuar autorët edhe në bazë të përshkrimeve të viktimave.
Hetimet e karabinierëve kanë zbuluar se si të dyshuarit, kryenin sulmet sepse ata dyshuan se viktimat ishin vetë autorët e një vjedhje të shtëpisë së tyre.
