Seria A/ Lacio fiton ndaj Genoas, vihet sërish në ndjekje të Juventusit

Lacio ka arritur të marrë një fitore 2-3 në transfertë kundër Genoas, në ndeshjen e vlefshme për javën e 25-të të Serisë A.

Kryeqytetasit, e morën avantazhin vetëm në minutën e 2-të të takimit, ku Adam Marusiç dërgoi topin në rrjetë. Në pjesën e parë nuk do të shënoheshin më gola.

Në fraksionin e dytë të lojës, ishte bomberi i Serisë A, Ciro Immobile, ai i cili dyfishoi rezultatin në favor të Lacios. Vendasit u përgjigjën vetëm 6-të minuta më vonë duke ngushtuar shifrat në 1-2.

LEXO EDHE  Bayern Munich rikthehet sot në stërvitje, do të zbatojnë këto rregulla

Për të rikthyer qetësinë mendoi Cataldi, i cili me anë të një supergoli nga goditja e dënimit, i çoi shifrat në 1-3. Në fundin e ndeshjes, Genoa do të shënonte sërish, aty ku Criscito shëndërroi në gol një 11-metërsh.

Gjithsesi ndeshja do të përfundonte me rezultatin 2-3 në favor të miqve. Me këtë rezultat, Lacio shkurton sërish me vetëm 1 pikë diferencën ndaj Juventusit dhe shkëputet me 5 pikë nga Interi.