Kriza politike, zyrtari i lartë i CDU/CSU zbarkon në Tiranë/ Ja çfarë pritet

Gjermania duket se do të angazhohjet për gjetjen e një zgjidhjeje për krizën politike në vend, e cila u thellua në shkurt të 2019, pasi PD dhe aleatët e saj dorëzuan mandatet e deputetëve dhe nuk morën pjesë as në zgjedhjet lokale të 30 qershorit.

Mësohet se në Tiranë, javën e ardhshme do të mbërrijë këshilltari për Politikën e Jashtme në Grupit Parlamentar CDU/CSU në Bundestagun gjerman, Hans J. Falenski.

Ai pritet të vijë të martën për të nisur një seri takimesh me përfaqësues të pozitës dhe opozitës lidhur me gjetjen e një zgjidhjeje për krizën politike.

LEXO EDHE  Malltezi i përgjigjet Carlo Bollinos: Erdhe me duar në xhepa dhe u bëre pronar i objekteve e trojeve në Tiranë

Prej disa javësh, opozita dhe mazhoranca janë ulur në tryezën e diskutimeve lidhur me reformën zgjedhore, për të cilën palët janë dakordësuar që t’a miratojnë brenda 15 marsit.

Në anën tjetër, PD dhe aleatët e saj pretendojnë për zgjedhje të parakohshme, duke iu referuar edhe rezolutës së Bundestagut gjerman, ku renditen 9 pika për Shqipërinë, që duhen plotësuar lidhur me hapjen e negociatave me BE-në.

Ndoshta vizita e Falenskit në Tiranë ka lidhje drejtëpërsëdrejti me zbatimin e rezolutës.