La Liga hyn në fazën deçisive, Barça dhe Real zbresin në fushën e lojës

Ditën e sotme luhet raundi i 25-të i kampionatit spanjoll. Në fushë zbresin pretendentët për kampionat, Real i Madridit dhe Barcelona.

Pas një ecurie të shkëlqyer në kampionat, Real Madrid u ndal javën e kaluar në shtëpi në një barazim 2-2 kundër modestëve të Celta Vigos. Ndërsa sot “Los Blancos” do të vizitojnë në Valencia skuadrën e Levantes, që ndodhet në shkallët e poshtme të tabelës së renditjes. Nën drejtimin e trajnerit Paco Lopez vendasit e filluan mirë kampionatin, megjithatë skuadra valenciane ka humbur 6 nga 8 takimet e fundit në të gjithë kompeticionet, duke zbritur në vendin e 13 në Primera Division, në kuotën e 29 pikëve.

Në krahun tjetër Reali kryeson kampionatin në kuotën e 53 pikëve, 1 më shumë se Barcelona dhe duken në rrugë të mbarë në luftën për titull. Trajneri Zidane i ka të gjithë futbollistët në dispozicion, me përjashtim të dyshes Mariano Diaz- Marco Asensio.

LEXO EDHE  Donçic: “Ditën kur takova Ronaldon e kisha të pamundur të flisja”

Barcelona nga ana tjetër, edhe ata kanë një ndeshje të lehtë pasi do të ndeshen në “Camp Nou” në orën 16:00, përballë Eibarit ku objektiv i vetëm është fitorja. Për sa i përket mungesave për vendasit mungojnë Jordi Alba, Ousmane Dembele, Luis Suarez dhe Arda Turan të dëmtuar ndërsa skuadra e Eibar do të ketë të gjithë skuadrën në dispozicion.