Policia e Fierit ndalon avokatin Niko Bego, me dyshimin se tentoi të manipulonte provat për të lehtësuar pozitën penale të profesorit Ardian Bego para drejtësisë. Avokati Niko Bego do të hetohet nga SPAK pas akuzave të ngritura për korrupsion aktiv.
Deklarata e policisë
Menjëherë pas vidios së publikuar në emisionin investigativ “Stop” në mbrëmjen e datës 19 Shkurt 2020, nga Specialistët e Sektorit për hetimin e krimit ekonomik e financiar në Drejtorinë Vendore të Policisë Fier, pas hetimeve intensive, u bë ndalimi i shtetasit:
- B., 53 vjeç, banues në Fier, me profesion Avokat pranë dhomës së avokatisë Fier.
Ndalimi i këtij shtetasi u bë pasi dyshohet për veprën penale “Korrupsion aktiv”. Ky shtetas, duke shfrytëzuar pozicionin e tij si avokat, i ka kërkuar një shtetasi të ndikonte te nxënësja që të ndryshonte thëniet e saj në ngarkim të klientit të avokatit i cili është me masë sigurimi “Arrest me burg” për veprën penale “Ngacmim seksual”. Materialet i kaluan SPAK, për veprime të mëtejshme.
