Reforma zgjedhore/ Bylykbashi: Gjiknuri synon të bllokojë procesin, nuk pranojmë farsë

Ish-deputeti demokrat Oerd Bylykbashi iu përgjigj deklaratave të Damian Gjiknurit, i cili tha se atë që opozita nuk e arriti me protesta, nuk mund t’a marrë në tavolinë, referuar propozimit për një qeveri kujdestare ose tranzitore, dhe zhvillimin e zgjedhjeve të parakohshme.

Sipas Bulykbashit, deklaratat e Gjiknurit synojnë të bllokojnë reformën zgjedhore dhe PS të vazhdojë të blejë vota dhe të përdorë kriminelët.

“Qëndrimet e PS në reformë synojnë që vjedhjes së zgjedhjeve t’i vendosin vulën e gjykatësve që kanë vënë nën thundër dhe presion politik me vetingun, siç e thotë troc ODIHR në raportin përfundimtar për 30 qershorin 2019.

OSBE/ODIHR e tha qartë se më 30 qershor 2019 votimet u kryen pa marrë në konsideratë interesin e zgjedhësve për të zgjedhur të lirë dhe në fshehtësi dhe për pluralizëm demokratik. Opozita e bashkuar, në përputhje me angazhimin e saj publik ka bërë propozime që synojnë të mbrojnë votën e shqiptarëve nga kriminelët dhe të korruptuarit që rrethojnë Edi Ramën.

LEXO EDHE  I riu gjendet i pajetë në banesë. Dyshimet

Propozimi i Opozitës së Bashkuar për një qeveri kujdestare pa Edi Ramën është garancia që masat e reformës zgjedhore nuk mbeten vizatime në letër, por garantojnë realisht interesin e zgjedhësve shqiptarë.

Opozita nuk pranon reformë farse por vetëm një reformë zgjedhore të vërtetë”, shprehet Bylykbashi.