Braziliani Neymar provokon një “zjarr” të ri në shtëpinë e PSG-së, në përfundim të takimin me Dortmundin, në fazën e 1/16-ve të Championsit. Sulmuesi shprehu publikisht shqetësimin për mosaktivizimin e tij në takimet e fundit pasi u lëndua në 1 shkurt.
Ai bëri përgjegjës drejtpërdrejt klubin parizien, duke këmbëngulur se ndihej shumë mirë për të luajtur.
Neymar, i cili shënoi golin e vetëm të skuadrës së tij në Dortmund, foli në zonën miks dhe tha se “Është e vështirë të qëndrosh katër ndeshje pa luajtur. Për fat të keq, nuk ishte vendimi im, ishte i klubit dhe i mjekëve. Ishin ata që ata morën këtë vendim, por mua nuk më pëlqeu. Diskutuam shumë për këtë. Unë u ndjeva mirë dhe doja të luaja, por klubi u frikësua dhe isha unë që vuajta në fund.”
Pas dëmtimit më 1 shkurt kundër Montpellier, Neymar nuk u aktivizua një sfidat e radhës të PSG-së kundër Nantes, Lyonit, Dijonit dhe Amiens. Si rezultat edhe pse shënoi golin e vetëm të skuadrës së tij kundër Dortmundit, braziliani nuk u ndje në formën optimale.
