Ambasadorja amerikane pas takimeve me Ramën, Metën e Bashën: Presim që udhëheqësit shqiptarë të sillen në mënyrë të përgjegjshme

Ambasadorja amerikane në Tiranë Yuri Kim ka reaguar pas takimeve me kryeministrin Edi Rama, kryeopozitarin Lulzim Basha dhe Presidentin Ilir Meta.

Në një deklaratë për mediat, Kim zbardh temat e diskutimeve dhe shprehet se, “presim që udhëheqësit shqiptarë të sillen në mënyrë të tillë që të jetë e përgjegjshme dhe për të mirën e popullit shqiptar”.

Deklarata

“Sot u takova me Kryeministrin Edi Rama, Presidentin Ilir Meta dhe Kryetarin e Partisë Demokratike Lulzim Basha për të diskutuar mbi zhvillimet e fundit dhe pritshmëritë e Shteteve të Bashkuara. Për sa i përket specifikisht, konferencës së donatorëve në Bruksel, ne besojmë se ajo pasqyron solidaritetin, mbështetjen dhe dëshirën e komunitetit ndërkombëtar për ta ndihmuar popullin shqiptar në përpjekjet e rindërtimit pas tërmetit. Diskutuam gjithashtu edhe për pritshmëritë për transparencë dhe llogaridhënie përgjatë gjithë këtij procesi”, thuhet në njoftim.

LEXO EDHE  Shifra tragike/ Në Spanjë gjendja akoma e rëndë, 683 persona humbën jetën në 24 orët e fundit

“Përveç konferencës së donatorëve, diskutova edhe për hapat e rëndësishëm që Shqipëria duhet të ndërmarrë në javët e muajt e ardhshëm, duke treguar pjekuri, respekt për institucionet dhe besim në proceset demokratike. Presim që udhëheqësit shqiptarë të sillen në mënyrë të tillë që të jetë e përgjegjshme dhe për të mirën e popullit shqiptar. Ne e sigurojmë popullin shqiptar se ne do të jemi aty për të vëzhguar dhe kontribuar”, mbyllet njoftimi i ambasadores.