Agim Kajmaku kalon për gjykim themeli

Ish-kryebashkiaku i Vorës Agim Kajmaku do të përballet me gjykatën për tre akuza “falsifikimi i dokumenteve zyrtare”, “falsifikimi i vulave, stampave ose formularëve” dhe “kryerja e funksionit pas dhënies fund të tij”.

Gjykata e Tiranës pranoi kërkesën e Prokurorisë dhe vendosi ta kalojë çështjen në ngarkim të Kajmakut, për gjykim themeli. Ish-numri një i Bashkisë së Vorës vazhdon të jetë në kërkim prej Nëntorit të kaluar, pasi policia nuk e ka arrestuar ende.

Kajmaku akuzohet nga Prokuroria se ka shkarkuar dy nënkryetarët e Bashkisë, Laureta Omeri dhe Hekuran Brahimaj, pasi KQZ i kishte hequr mandatin atij, për shkak se kishte fshehur një hetim në Greqi, për përdorim të parave false.

LEXO EDHE  Denoncimi i fortë/ Plani për vjedhjen gjigande në Albpetrol, nafta do shitet me minimumin e çmimit

Ishte Partia Demokratike që denoncoi publikisht Kajmakun, me pretendimin se kishte fshehur këtë dënim në formularin e dekriminalizimit.

Edhe pse KQZ i hoqi mandatin, Kajmaku emëroi shefin e tij të kabinetit Gentian Picarin në postin e kryetarit, por Prokuroria thotë se ashtu si në shkarkimi e dy nënkryetareve, edhe në këtë vendim ai ka falsifikuar datën.