Nga Boldnews.al
Sot bota po flet, i dhimbsen fort taksat e qytetarëve të saj dhe nëse do të fusin duart për të nxjerrë qoftë edhe pak para nga arka e madhe e tyre, ata duan të sigurohen se fondet do të shkojnë aty ku janë destinuar; rindërtimi i banesave të shkatërruara nga tërmeti tragjik i 26 nëntorit në Shqipëri.
Fondi Monetar Ndërkombëtar i kërkon qeverisë që të bëjë kujdes dhe transaparencë me menaxhimin e fondeve të mbledhura për programin e rindërtimit, duke përfshirë edhe financimet e donatorëve ndërkombëtarë, që do të mbahet më 17 shkurt në Tiranë. FMN thekson se “është e rëndësishme që edhe strukturat e posaçme të krijuara për projektin e rindërtimit të kenë një mandat të qartë dhe të veprojnë me përgjegjshmëri”.
Dukshëm ndërkombëtarët nuk mund ti besojnë “portofolin” Edi Ramës dhe qeverisë së tij. Kjo vihet re në çdo takim që po mbahet në Berlin mes Ramës dhe disa përfaqësuesve të shteteve të ndryshme, ku kryeministri ynë ka zgjatur dorën e lëmoshës, me qëllim që të sigurojë sa më shumë fonde. Që të gjithë liderët eupropianë dhe më gjerë, kanë vetëm një frazë të përhershme që ia thonë në sy: “kërkojmë trasparencë të plotë për paratë që do u japim”.
Padyshim që kjo është fyerje e madhe për “dëgjues Ramën”, kur ia përplasin hapur që nuk kanë besim tek ai dhe qeveria e tij. Dhe këtu nuk është “faji e medias”, as i “opozitës” që sipas Ramës hedhin baltë padrejtësisht mbi qeverinë, por është një bindje e vetë donatorëve të huaj të cilët qeverinë tonë indirek, por së fundmi edhe direkt po e konsiderojnë të korruptuar dhe tërësisht të pabesueshme për të menxhuar fondet për rindërtimin e vendit pas tërmetit.
Nuk ka ironi më të madhe, ku personi që do ketë çelësin e arkës së donacioneve do të jetë Arben Ahmetaj, ish-Ministri i Finacave, i akuzuar nga opozita, por edhe media apo shoqëria civile si individ me të shkuar fort të errët në menaxhimin e fondeve publike. Në këtë rast, Ahmetaj është mbulim, pasi vesi del me shpirtin dhe një qeveri e mësuar të grabisë fonde publike, do të tundohet gjithnjë para shumave të mëdha, qofshin edhe ato lëmoshë që bota i jep për qytetarët shqiptarë që kanë humbur banesat nga tërmeti.
Megjithatë Rama nuk “fyhet” kur i kërkojnë “trasparencë”, edhe pse përfaqëson qeverinë e një vendi dhe nuk është një “hajdut ordiner” i kapur në ndonjë metro duke vjedhur portofolin e dikujt. Trajtimi është thuajse i njëjtë, por përpara kanë kreun e një qeverie e cila me propagandë mund të mbulojë vetëm sytë e idhtarëve të saj Rilindas, por asesi liderët europianë, që janë të përgjegjshëm për çdo cent që shpenzojnë nga taksat e qytetarëve të tyre. Me të drejtë donatorët kërkojnë trasnparecë dhe të jenë të bindur se paratë do të shkojnë në destinacion, duke synuar që të mbajnë sa ma laeg duart e qeverisë nga menaxhimi i donacioneve.
Sjellja e ndërkombëtarëve është fort e dyfishtë. Ata e kanë të qartë se në çdo raport dhe verifikim që kryejnë në Shqipëri, konstatojnë ambuzime të shumta me fondet publike që vijnë si grumbull taksash dhe tarifash të qytetarëve shqiptarë. Megjithjatë, ata nuk janë aq kërkues kur e kuptojnë se paratë e taksave tona shkojnë si “rrush e kumbulla” për “rrushët” dhe “pjeshkat” e qeverisë shqiptare, ndërsa kur vjen çështja e parave të tyre, duan trasparencë dhe mënyrë për të kontrolluar ku do të shkojnë ato fonde.
