Kreu i shtetit, Ilir Meta ka reaguar pas tragjedisë në Bulqizë, ku tre anëtarë të një familje, nëna me dy fëmijë, humbën jetën si pasojë e rrjedhjes së gazit brenda në shtëpi. Ngjarja e rëndë ndodhi në fshatrin Ostren.
Presidenti Meta ka ndarë dhimbjen me familjen Tolaj, duke theksuar se ngjarja e ka tronditur thellësisht. “Do të jemi gjithmonë pranë familjes Tolaj!”, është premtimi i presidentit Meta.
Postimi i Metës:
Thellësisht i tronditur nga tragjedia në Ostren të Bulqizës. Duke ndarë dhimbjen e madhe me familjen Tolaj, të afërmit dhe mbarë komunitetin e Bulqizës, shpreh ngushëllimet më të sinqerta dhe uroj shërim sa më të shpejtë të vajzës së mitur që po merr ndihmën mjekësore. Do të jemi gjithmonë pranë familjes Tolaj!
DENONCO