Inspektorati Kombëtar i Mbrojtjes së Territorit ka shembur mesditën e sotme me shpërthim të kontrolluar një objekt në Durrës.
Godina 4-katëshe ndodhej në zonën e Shkallnurës, Plepa dhe ishte një nga objektet e dëmtuara nga tërmeti i 26 nëntorit.
Ajo u shemb duke përdorur 2 kilogramë eksploziv, i vendosur në 100 furnela (vrima) të hapura përgjatë objektit.
Një familje prej 6 anëtarësh jetonin në këtë godinë, të cilët që pas termetit të 26 nëntorit janë shpërngulur duke jetuar në një magazine të vogël pak metra pranë godinës që u shemb.
