Enio Jaçe, kryetari i Dhomës Amerikane të Tregtisë, renditi korrupsionin dhe taksat e larta, si pengesat kryesore për thithjen e investimeve të huaja në Shqipëri.
Jaçe u shpreh se bazuar te anketat e biznesit, korrupsioni i administratës është pengesa e parë për investimet.
“Korrupsioni është një nga problemet ne të gjithë e dimë dhe e pranojmë që korrupsioni është i përhapur në Shqipëri dhe pengon seriozisht investimet e huaja. Ne bëjmë një anketë të përgjithshme vjetore dhe problem i parë që përmendet është problematika e monopoleve dhe konkurrenca e pandershme.
Korrupsioni është një problem dhe çfarë do të themi ne në lidhje me klimën e investimeve ka një element të fortë që nëse nuk godasim korrupsionin do kemi të pamundur që të bëjmë hapa përpara”, u shpreh Jaçe.
Duke u ndalur te taksat, Jaçe u shpreh se niveli i lartë i tyre e ka kthyer Shqipërinë në një vend jokonkurrent.
“Në diskutojmë shpesh në lidhje me taksat ose investirorëve i interesojnë shumë taksat në Shqipëri. Ka dy probleme në lidhje me taksat, e para konsiderohet se Shqipëria nuk ka nivelin më konkurues të taksave, pra në rajon kemi vende që janë shumë konkurues që vendosin incentive të forta duke përfshirë incentive që kanë lidhje me sistemin tatimor dhe kjo e bën Shqipërinë vëndin jo më konkurentë të lirë me taksat. Së dyti, ndryshimi i shpeshtë i paketës fiskale përbën një problematikë më të madhe”, u shpreh Jaçe.
