Pas dy fitoreve radhazi kundër Juventusit dhe Sampdorias, u duk se Napoli u rikthye te forma e mirë në të cilën jemi mësuar ta shohim në sezonet e fundit.
Por skuadra e drejtuar nga Gatusso, pësoi një humbje 2-3 kundër Lecces në shtëpi. Lapadula kaloi në avantazh miqtë në minutën e 29-të, ndërsa pjesa e parë do të mbyllej 0-1.
Në pjesën e dytë Napoli barazon rezultatin me Milik në minutën e 48-të. Për t’i dhënë avantazhin Lecces mendoi sërish Lapadula me golin e dytë të tij në minutën e 61-të.
Reagimi i Napolit erdhi vonë teksa Callejon shënoi golin e dytë të skuadrës në minutën e 90-të. Por gjithçka u mbyll në rezultatin 2-3 dhe Napoli pësoi kështu humbjen e 9-të sezonale.
Në ndeshjet tjera të Serisë A, Genoa arriti një fitore 1-0 kundër Cagliarit. Golin e fitores e shënoi Goran Pandev në minutën e 43-të.
Ndërsa Brescia-Udineze u mbyll në barazim 1-1. Të dy golat e ndeshjes u shënuan në fundin e sfidës, teksa fillimisht Brescia kaloi në avantazh në minutën e 81-të ndërsa Udineze barazoi shifrat në minutën e 92-të.
