Bojkoti i zgjedhjeve/ Rama: Shpresoj mos të ndodhë edhe në SHBA…

Kryeministri Edi Rama, i ftuar në Këshillin e Atlantikut, u shpreh se mazhoranca në Shqipëri ishte e detyruar për të zhvilluar zgjedhjet e 30 qershorit, pasi nuk mund të pranohej bojkoti i tyre.

Kjo tha Rama, nuk do të ndodhë më pasi është shkatërruese.

“Bojkoti u bë traditë në Ballkan, u bë e natyrshme, shpresoj mos ndodhë kështu për disa vjet në SHBA. Por asnjëherë nuk kishim patur bojkotimin e zgjedhjeve. Kjo ishte një gjë e re dhe duhej refuzuar. Nuk mund të ishte e negociueshme. Unë e shoh shumë të pagjasë në hapat e mëtejshme që parti të tjera të bëjnë të njëjtën gjë. Të gjithë kuptuan se nuk fiton gjë. Është vetëshkatërrim që nuk të sjell asgjë”, theksoi Rama.

LEXO EDHE  Kërkuan favore seksuale për kthimin e makinës, në pranga 2 policë

Kryeministri përmendi edhe një sfidë të përbashkët me SHBA, atë të Iranit, me të cilin kryeministri tha se Shqipëria ka probleme.

“Washingtoni na i ka kaluar sa i përket politikës përçarëse, nuk jemi vetëm. Në këtë moment, jo vetëm kemi shumë për të shkëmbyer, por edhe sa u takon sfidave të përbashkëta, njëra prej të cilave është Irani. Ju e dini që kemi një problem me këtë vend, me regjimin e tij, në të njëjtën kohë jemi mjaft të vetëdijshëm për faktin se ndërkohë që kemi ndërmarrë një risk për të shpëtuar njerëz jeta e të cilëve kërcënohej. Ndihemi mirë që nuk jemi vetëm për këtë”, tha Rama.