Nga Boldnews.al
Pak po merren me paligjshmërinë e vetë Operacionit Forca e Ligjit (OFL), por shumë me një bionde police që një herë apo dy herë në ditë, si ta urdhërojnë bosët e politikës dhe policisë, del në publik për të treguar “arritjet e OFL-së”.
Ndërsa juristët dhe mediat e pakapura nga qeveria po ngrenë shqetësimin se OFL është antikushtetuese dhe mbi të gjitha operacioni që po zhvillohet është një fluskë e madhe propagandistike, kryeministri ka shpërndarë pafund hirin e radhës në sytë e qytetarëve. Ai po merr kohë për të mbuluar aferat korruptive të qeverisë, duke shfaqur me bujë gjoja një operacion që bllokon në mënyrë tërësisht selektive pasuritë e të dënuarve për trafik droge, apo për krijim të organizatave kriminale.
Një pjesë e mirë e pronave të bllokuara sot nga një shirit si (Operacioni Forca e Ligjit) dhe me punonjës policie që luajnë “luftash” pa kundërshtarë, janë me vendim gjykate të formës së prerë të cilët nuk sekuestrohen, pasi për ta është kryer një hetim dhe gjykim i formës së prerë.
Për të shmangur këtë katastrofë vendim të qeverisë, Rama ka nxjerrë në “tregun publik” një police bionde, e cila shfaqet shpesh nëpër televizione ku jep deklaratë për mediat mbi punën që po bën OFL. Me veshje policore dhe me një palë syze të errëta, të dizenjuara nga një dorë “artisti të dështuar”, ku syzet mbulojnë edhe mollëzat e faqeve, policja nuk identifikohet dot se cila mund të jetë.
Kjo, me shumë të drejtë, pasi ata djem dhe vajza që kanë për ideal uniformën e policisë, që e mbajnë me pasion, apo edhe për tu ushqyer, sot i nxjerrin zbuluar për turp të pushtetit dhe atij grupimi të vogël drejtuesish policie që më shumë se ligjin dhe rregulloret e brendshme njohin Rilindjen.
“Për të gjithë ata që janë kurioz, zëdhënësja “me syze” e policisë quhet Eljesa Breca e diplomuar për psikologji dhe ka rreth një vit që është pjesë e OFL-së. Ka eksperiencë të suksesshme në FNSH-në e Fierit dhe momentalisht është në pozicionin civil.”– thuhet në reagimin zyrtar të vetë OFL-së. Ky qëndrim shoqërohet edhe me një foto e bërë për qejfin e saj, civile të polices, kësaj vajze të strukturave të shtetit, që në çdo rast i duhet ruajtuar identiteti, për aq kohë sa pjesa tjetër del e mbuluar deri në majë të kokës me kapuçë të zinj.
Po sot edhe policja nuk ka forcë të reagojë. Nuk ka mundësi të denigrojë eprorët e saj për dy arsye; është e pafuqishme dhe i trembet asaj page që mund ta humbë nëse e flakin nga puna; ose i pëlqen të shfaqet si “koketë” në duart e eprorëve, pa e kuptuar se iu prek jo vetëm privatësia, por u shkel ligji, duke e dekonspiruar vetë struktura e policisë.
Kjo oficere policie sot ka të drejtën ligjore, morale dhe qytetare që të padisë eprorët e saj bash e në gjykatë, duke kërkuar jo vetëm dënimin e tyre për “dekonspirim”, por edhe një dëmshpërblim të majmë monetar për shkeljen e privatësisë apo dëmtim imazhi.
Sipas mazhorancës, mbajtja e syzeve të errëta ishte për shkaqe sigurie dhe pyetja që shtrohet tani është: A do i mbajë më syzet bjondja e OFL-së? Po ne jemi para një pushteti që shtetin e konsideron si një “plazh nudistësh” që mund të nxjerrësh gjithçka në publik, mjafton që në sy të mbash syze të errëta, edhe pse me “allate” jashtë….!
