Ish-ministri i Drejtësisë, Ylli Manjani, ka hedhur idenë e një amnistie të përgjithshme financiare, që sipas tij duhet zbatuar, pasi nuk kanë kuptim as ligjet dhe as masat sado ekstreme të jenë.
Manjani shkruan se ndoshta mënyra më e mirë është legalizimi i parasë informale. “Të gjitha shtetet e bëjnë. Edhe ne e kemi bërë me apo pa dashje, por në mënyrë pjesore”, shkruan Manjani.
Në vijim, ish-ministri i Drejtësisë thekson se kemi legalizuar ndërtimet pa leje, pa pyetur fare nga erdhën paratë.
“Kemi legalizuar ndërtime pa fund me leje ndërtimi nga më të çudirshmet. Kemi urbanizuar tmerrësisht shumë qytetet, pa pyetur hiç me çfsrë parash. Kemi bërë e jemi ende në proçes rivlerësimi pronash. Kemi falur taksa e detyri.e fiskale.
Por ka ardhur momenti për një vit 0. Një vit ku të gjithë duhet të deklarojnë dhe të rregjistrojnë publikisht pasurinë, pavarësisht si e kanë krijuar.
Pas vitit 0, vjen viti 1. Ky është momenti kur vendi bëhet i qeverisshëm me ligje e rregulla”, shkruan Manjani.
Postimi nga Ylli Manjani
