Ditën e sotme luhen tre ndeshje të vlefshme për javën e 20-të të Kategorisë Superiore.
Takimi i parë është ai i orës 14:00, mes Luftëtarit të Gjirokastrës dhe Partizanit. Për “të kuqtë” kjo shihet si një ndeshje ku do të kërkojnë kthesën, pas 2 humbjeve radhazi kundër Skënderbeut dhe Kukësit.
Gjirokatritët janë në vendin e parafundit me 12 pikë në 19 javë të luajtura. Gjithsesi nuk do të jetë aspak e lehtë për skuadrën e drejtuar nga Sormani duke parë që 10 ditë më parë ndaj Kukësit, Luftëtari bëri një rezistencë të madhe duke marrë një barazim pa gola.
Në krahun tjetër në orën 17:00 do të luhen dhe 2 sfidat e tjera për ditën e sotme. Kryesuesit e tabelës, Kukësi luajnë në transfertë ndaj Flamurtarit, ku rezultati i vetëm që do të kënaqë klubin është fitorja, duke parë dhe situatën në të cilën ndodhet Flamurtari.
Ndërkohë supersfida e javës është padyshim ajo mes Tiranës dhe Kukësit, që luhet në “Air Albania”. Kryeqytetasit vijnë pas 5 fitoreve radhazi në kampionat dhe renditen në vendin e dytë me 34 pikë ndërsa Teuta një pozicion më poshtë me tre pikë më pak.
