Insigne rikthehet ai i “vjetri”, Napoli gati kontratën e re për të

Me emërimin e Gennaro Gattusos në stolin e Napolit, nuk është vetëm Elseid Hysaj ai që ka përfituar.

Duket se edhe Lorenzo Insigne po rikthehet ai që tifozët e Napolit janë mësuar të shikojnë çdo javë prej tij. 28-vjeçari shënoi golin e fitores ndaj Juventusit duke ndihmuar skuadrën të rikthehet konkurruese.

Forma e mirë që ai po kalon ka bërë që drejtuesit e klubit të mendojnë t’i ofrojnë rinovimin e kontratës, duke u dhënë fund kështu edhe polemikave që kanë ndodhur me kapitenin gjatë kohëve të fundit. Kontrata aktuale e Insignes skadon në vitin 2022, ndaj palët kanë kohë për ta diskutuar me qetësi kontratën e re.

LEXO EDHE  “Lojërat Olimpike do të zhvillohen edhe nëse nuk ka një vaksinë”