Një ngjarje tragjike është regjistruar pasditen e së premtes 31 janar, në Xhenova të Italisë. Një emigrante shqiptare, e identifikuar Laureta Zyberi 43 vjeçe, është gjetur e vdekur në apartamentin ku punonte si pastruese shtëpie në lagjen Marassi të Xhenovës. Pranë trupit të saj pa jetë, është gjetur i plagosur dhe bashkëshorti i saj po shqiptar, Eduart Zyberi 54 vjeç. Dyshohet se ky i fundit ka vrarë gruan me thikë e më pas ka qëlluar veten.
Trupi i pajetë
Ka qenë pronari i apartamenti ku punonte shqiptarja i cili ka gjetur të dy trupat e mbuluar me gjak mbi dysheme. Më pas, i shokur nga skena me të cilën ndeshi, ka lajmëruar ndihmën e shpejtë mjekësore e autoritetet policore. Sipas mediave italiane: 43-vjeçarja shqiptar humbi jetën në vendngjarje ndërsa bashkëshorti i saj është në gjendje të rëndë në spitalin “San Martino” me një plagë të rëndë në stomak. Po sipas mediave italiane, nga hetimet e para mendohet se krimi është kryer me armë të ftohtë. Dyshohet se ka qenë bashkëshorti autori i këtij krimi i cili pasi ka qëlluar gruan me thikë, ka tentuar të vetëvritet. Sipas shtypit lokal, burri e ka qëlluar gruan 10 herë. Hetimet janë në vijim për të zbardhur dinamikën dhe hkaqet e krimit.
Në Itali prej vitesh
Bashkëshortët Zyberi ishin martuar prej më shumë se 20 vitesh. Ata kanë jetuar në Itali që nga fillimi i viteve 1990, më konretisht në vitin 1996. Burri tani është nën arrest për vrasje, në spital. Ai ndodhet në gjendje të rëndë, por jashtë rrezikut për jetën. Dëshmia e 53-vjeçarit pritet të hedhë dritë mbi krimin. /BN/
Dyshimet
