Kreu i opozitës Lulzim Basha, ka zhvilluar takime me banorët e prekur nga tërmeti i 26 nëntorit në qytetin e Durrësit.
Sipas Bashës edhe pse kanë kaluar mbi dy muaj nga ajo ngjarje e rëndë qytetarët ndodhen ende në qiell të hapur për shkak të papërgjegjshmërisë së kësaj qeverie.
Sipas Bashës është e turpshme të shohësh se si qeveria tallet dhe luan me jetën e qytetarëve. Ai tha se sot nuk bëhet fjalë për para, pasi qeveria mund tu heqë paratë që u jepen oligarkëve dhe me to të ndërtojë shtëpitë për qytetarët.
Ja postimi i Bashës në Facebook:
Dy muaj më pas, situata në Durrës është katastrofike.
Premtime të pambajtura dhe propagandë përballë qytetarëve që nuk kanë asnjë zgjidhje për banesat e shkatërruara nga tërmeti i 26 nëntorit. Është në turpin e kësaj qeverie që të tallet dhe luajë me fatkqesinë e banorëve të zonave të prekura nga tërmeti!
