Arrihet marrëveshja, United paguan 65 milionë euro për Bruno Fernandez

Tre ditë para mbylljes së merkatos së janarit Manchester United më në fund ka arritur të kompletojë transferimin e mesfushorit Bruno Fernandes nga Sporting Lisbona.

“Sportsmail” shkroi  të martën në mbrëmje se ‘djajtë e kuq’ kanë arritur një marrëveshje me portugezët në bazë të 80 mln eurove, 65 prej të cilëve do të paguhen në mënyrë direkt, ndërsa 15 milionë do të paguhen nëse arrihen disa bonuse të cilat janë të vështira  për tu arritur, pasi United duhet të përfundojë sezonin në vendin e katërt dhe Bruno Fernandes duhet të ketë një numër të caktuar golash dhe asistesh.

LEXO EDHE  Befason Vincent Kompany, merr përsipër rrogat e lojtarëve të Anderlecht

Nga momenti në moment pritet edhe mbërritja e futbollistit në Manchester, aty ku fillimisht do të kryejë vizitat mjekësore dhe më pas do të hedhë firmën në kontratë. Së fundmi mediat në Portugali i kanë shkëputur disa fjalë futbollistit që i pyetur për transferimin ka thënë se ‘Premier League’ ka qenë ëndrra e tij.