Vendimi i Gjermenit, turp juridik/ Manjani: Jam 100 % i bindur që…

Ish-ministri i Drejtësisë, Ylli Manjani, e ka cilësuar një turp juridik vendimin e dhënë nga gjyqtari Artan Gjermeni kundër gazetarit Jetmir Olldashi, ish-deputetit Ervin Salianji dhe Albert Veliut, lidhur me çështjen “Xhafaj”.

“Ky një sinjal i qartë rreziku që gjykata nuk është e pavarur dhe po përdoret nga pushteti për të mbyllur gojën kundërshtarëve politikë dhe denoncuesve të krimeve nga shtetarë dhe familjarë të tyre”, shprehet Manjani.

Postimi nga Ylli Manjani

Ai vendim i gjykatës që dënon dikë për kallëzim, pa bërë kallëzim është një turp juridik! Jo gjykatësi, por edhe një student i vitit të tretë juridik e di shumë mirë që ai vendim nuk shkon.

LEXO EDHE  Meta-Gjonajt: Trego shokët në SPAK, jeni kapur në flagrancë

Njëkohësisht ky një sinjal i qartë rreziku që gjykata nuk është e pavarur dhe po përdoret nga pushteti për të mbyllur gojën kundërshtarëve politikë dhe denoncuesve të krimeve nga shtetarë dhe familjarë të tyre.

Jam 100% i bindur se ai vendim është i goditshëm e rrëzueshëm dhe pa asnjë efekt. Por duhet vetëm normalitet gjyqsor..