“Vit të Zi” për shëndetësinës dhe pacientin e parashikon 2020-ën ish-ministri i Shëndetësisë në qeverisjen e parë të PD-së, Tritan Shehu. Përmes një postimi në rrjet, Shehu shkruan se në vitin 2020 parashikohet që eksodi i mjekëve të ulë numrin e tyre nën 1 për 1000 banorë, kur mesatarja e Kontinentit është 3,5.
“Për herë të parë në shëndetësinë tonë kërkesat për specializimet pas universitare janë më të pakta se vendet e njëjta në dispozicion (pa pagesë shumica e tyre), si pasojë e emigracionit masiv edhe të të sapo diplomuarve.
Për vitin 2020 nuk është parashikuar asnjë shtesë pagash për personelin shendetësor.
Në vitin 2020 nuk do të ketë asnjë “qindarkë” për kualifikimet, aktivitetet shkencore etj, asnjë shërbim të ri specialitetesh.
Numri real i shtretërve publikë për 1000 banorë do të ulet nën 2, kur mesatarja europiane është mbi 4″, shkruan Shehu.
Sipas tij, buxheti i Shëndetësisë ngel më i varfëri e antisociali në Europe me 2,1% të GDP plus 0,7% nga kontributet direkte dhe me mbi gjysmën e shpenzimeve prej pagesave direkte të qytetarit.
“Vetëm shpenzimet për PPP-të do të rriten duke arritur në 40 M$”, shkruan Shehu.
