Tre shtetasit shqiptarë u kapën fillimisht pa dokumente nga dy policë malazezë, të cilët i morën në makinë për t’i dërguar në komisariat. Në makinë ishin ulur dy policët para dhe tre shqiptarët nga Malësia e Madhe në sediljet e pasme.
Dy djemtë Luan dhe Lulëzim Hasanaj gjatë këtij, momenti së bashku me nënën e tyre Nure Hasanaj kanë shkëmbyer fillimisht disa fjalë shqip me njëri-tjetrin dhe më pas Luani ka nxjerrë armën duke qëlluar fillimisht në kokë policin Milutin Lekoviç, raportojnë mediat e malazeze.
Ai tentoi të qëllonte edhe ndaj policit tjetër që ndodhej në makinë, por arma i ngeci, shkruajnë mediat malazeze.
Ata më pas u arratisën duke tentuar që të kalonin në Kroaci, por u kapën pas një shkëmbimi zjarri me policinë malazeze.
Sëfundmi kanë dalë pamjet e dërgimit të tyre në prokurori ku duket se janë me shenja të mëdha në trup dhe ecin me vështirësi.
Nuk dihet nëse shenjat u janë shkaktuar gjatë përplasjes me armë me policinë apo janë dhunuar më pas.
Dje, anëtarët e Këshillit Civil të Kontrollit të Policisë sugjeruan që vrasja e oficerit të policisë të dënohet me burgim të përjetshëm.
Ekzekutimi i policizit malazez/ Mediat lokale: Autorët shqiptarë (EMRAT)
