Juventus merr kreun e Seria A, Ronaldo me rekord të ri

Juventusi fitoi me rezultatin 3-1 përballë Udinezes, ndeshje e vlefshme për javën e 16-të në Serinë A.

Me këtë fitore bardhezinjtë kanë marrë përkohësisht kreun e tabelës së klasifikimit dhe presin rezultatin e rivalëve të Interit, të cilët luajnë në orën 20:45, në transfertë ndaj Fiorentinës.

Protagonisti i sfidës së luajtur në Allianz Stadium ka qenë Cristiano Ronaldo, i cili ka shënuar dy gola në minutën e 9-të dhe të 37-të, duke u bërë lojtari i vetëm në pesë kampionatet kryesore të Europës që ka shënuar 10 ose më shumë gola në 15 sezonet e fundit (nga 2005/06 deri më sot, duke marrë parasysh të gjitha kompeticionet).

LEXO EDHE  Hamilton nuk njeh konkurrentë, fiton “pole position” e radhës në Sochi

Goli i tretë i bardhezinjve u shënua nga Bonnuci, ndërsa goli i vetëm për Udinesen u shënua nga Pusseto në minutën e fundit të ndeshjes atë të 94-t.