Tirana triumfoi në një derbi mjaft të luftuar ndaj Partizanit mbrëmjen e djeshme.
Rrethanat ishin të atilla që e bënë këtë fitore të marrë përmasa më të mëdha se zakonisht, kjo edhe për faktin se Tirana kishte plot 5 vite që nuk triumfonte në derbin e kryeqytetit ndaj Partizanit.
Gëzimi te lojtarët ishte i madh për këtë fitore, me këta të fundit që e festuan deri në orët e para të mëngjesit. Në videot që kanë postuar në rrjetet sociale, shihen futbollistët bardheblu, të cilët të bashkuar festojnë në një nga lokalet e natës në kryeqytet.
