Bayerni i Munihut luan ditën e sotme ndaj Werder Bremen.
Situata për bavarezët nuk është aspak pozitive, teksa vijnë në këtë ndeshje pas dy humbjeve radhazi në kampionat ndërsa në mesjavë arritën të mundin Tottenhamin në Ligën e Kampioneve me rezultatin 3-1.
Kampionët e Gjermanisë gjenden në vendin e shtatë në tabelë me 24 pikë, ndërsa kreu mbahet nga Munchengladbach në kuotën e 31 pikëve. Situatë që lë shumë pak vend për gabime.
Për Bayernin do të mungojnë, Kingsley Coman, Javi Martinez, Sule, Hernandez si dhe në dyshim është edhe Corentin Tolisso.
Ndërsa në fushë zbret dhe Leipzig e cila luan në transfertë ndaj Dusseldorf. Leipzig aktualisht është me sulmin më të mirë në kampionat, dhe në këtë ndeshje kërkojnë fitoren e gjashtë radhazi dhe kreun e tabelës.
