Rama propozoi Ahmetajn për ministër, vjen reagimi nga Presidenca

Presidenti Ilir Meta duket se ka dekretuar direkt Arben Ahmetajn në postin e ministrit të Shtetit për Rindërtimin.

“Asnjë sekondë vonesë për dekretimin e ministrit të ri të Shtetit për Rindërtimin”, shkruan Tedi Blushi, Zëdhënës i Presidentit, pak minuta pasi Kryeministri Edi Rama ka publikuar kërkesën drejtuar Kreut të Shtetit.

Arben Ahmetaj ka mbajtur postin e ministrit të Financave dhe Ekonomisë deri në fillim të këtij viti, duke drejtuar një nga super-ministritë e krijuara, për shkak të bashkimit të dy dikastereve që më parë funksionin si Ministri më vete.

LEXO EDHE  Bilanci i ri/ 6 raste të reja me COVID-19, 11 në terapi intensive

Pas largimit si ministër, Ahmetaj mori drejtimin e Komisionit Parlamentar të Financave dhe Ekonomisë.

“Programi i Rindërtimit dikton hapjen e një vendi të posaçëm edhe në tryezën e Këshillit të Ministrave,ku një ministër i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me këtë program,të ndjekë orë e minutë zbatimin e Programi”, shkruante Kryeministri Edi Rama.