Presidenti Ilir Meta ka publikuar sot një video të re, në gjuhën angleze, në të cilën ka shpjeguar edhe një here se si u kap, sipas tij KED, nga kryetari i këtij institucion Ardian Dvorani.
“Të dashur miq,
Me kërkesën tuaj po e publikoj dhe në anglisht spotin e parë në mbrojtje të Kushtetutës dhe integritetit të Gjykatës Kushtetuese.
Mbrojtja e Integritetit të Gjykatës Kushtetuese, DETYRË MBI DETYRAT!”, shkruan Meta në komentin bashkangjitur videos, të postuar në faqen e tj në FB.
https://www.facebook.com/ilirmetazyrtar/videos/595695431241289/
Kreu i shtetit e ka kallëzuar penalisht kreun e KED për veprat penale të “Shpërdorimit të Detyrës” dhe “Përvetësimi i titullit apo i detyrës shtetërore”. Si Meta, ashtu dhe Dvorani janë paraqitur në prokurorinë e Tiranës për të dhënë shpjegime lidhur me kallëzimin. Organi i akuzës mund ti kërkojë gjykatës shuarjen e çështjes, ose ta dërgojë për gjykim.
