Manchester United i ka hapur derën e largimit Paul Pogbas, duke piketuar dy mesfushorë si pasuesin e tij.
Sipas “Sportsmail”, lojtari francez dëshiron largimin nga klubi, dhe “Djajtë” duket se nuk do të bëjnë asnjë rezistencë për ta mbajtur atë në skuadër, duke synuar që të ardhurat që do të përfitojë nga shitja e tij, do t’i shpenzojë për të përforcuar skuadrën, teksa konkretisht kërkohen dy mesfushorë dhe një sulmues.
Dy objektivat e United për mesfushën janë: talenti i Ajaksit, Donny van de Beek, dhe Saul Niguez i Atletico Madridit. Ndërsa objektivi numër 1 për sulmin është sulmuesi i Salsburgut, Erling Braut Haaland.
E interesuara kryesore për Paul Pogban, është padyshim Real i Madridit. Sipas mediave angleze, mësohet se United kërkon rreth 100 milionë euro për mesfushorin.
Këto lëvizje priten të ndodhin në merkaton e verës.